Өмірбаян

1993 жылдың 21 ақпанында Батыс Қазақстан облысы, Қаратөбе ауданы, Саралжын ауылында дүниеге келдім. 1999 жылы Орал қаласындағы №33 мектепке бардым, кейін «Үміт» лингвистикалық гимназиясында оқып, оны 2010 жылы үздік аттестатпен аяқтадым. 2010–2014 жылдары әл-Фараби атындағы ҚазҰУ- дың филология және әлем тілдері факультетінде «Екі шетел тілі: ағылшын, неміс» мамандығы бойынша білім алып, білім бакалавры дәрежесін алдым. 2014–2016 жылдары әл-Фараби атындағы ҚазҰУ магистратурасында «Орыс филологиясы» мамандығы бойынша оқып, гуманитарлық ғылымдар магистрі дәрежесін алдым. 2015 жылы Испанияның Гранада университетінде екі апталық тағылымдамадан өттім. 2016 жылдың маусым айынан бастап әл-Фараби атындағы ҚазҰУ-да кеңсе бөлімінің маманы болып жұмыс істедім, қыркүйек айынан бастап Орыс филологиясы және әлем әдебиеті кафедрасында оқытушы қызметін атқардым. 2017–2019 жылдары осы кафедрада оқытушы болып жұмыс істедім. 2017 жылы «ҚазҰУ докторантурасы – РУДН аспирантурасы» қос дипломды бағдарламасына қабылдандым. 2017–2018 жылдары Мәскеу қаласындағы Ресей халықтар достығы университетінде оқып, жұмыс істедім. 2020 жылы әл-Фараби атындағы ҚазҰУ-дың PhD докторантурасын («Орыс тілі мен әдебиеті») және РУДН аспирантурасын («Орыс тілі») тәмамдадым. 2019 жылдың қыркүйегінен 2020 жылдың тамызына дейін Алматы қаласындағы Назарбаев Зияткерлік мектебінде педагог-ұйымдастырушы-куратор болып жұмыс істедім. 2020–2021 жылдары Алматы қаласындағы №54 И.В. Панфилов атындағы мектеп-лицейінде орыс тілі мен әдебиеті пәнінің мұғалімі болып қызмет еттім. 2021–2025 жылдары Алматы қаласындағы №125 мектепте орыс тілі мен әдебиеті пәнінің мұғалімі болдым. 2025 жылдың қыркүйек айынан бастап Орыс филологиясы және әлем әдебиеті кафедрасында аға оқытушы болып жұмыс істеймін.